ឯកឧត្តម ប៉ែន ផល្លីកា អនុរដ្ឋលេខាធិការក្រសួងកសិកម្ម បានអញ្ជើញចូលរួមសិក្ខាសាលា ក្រោមប្រធានបទ "ការជំរុញការអនុវត្តច្បាប់ ស្តីពីកិច្ចការពារ និងលើកកម្ពស់សិទ្ធិជនពិការ ដល់ស្ថាប័នរដ្ឋ ក្នុងការជ្រើសរើសមន្រ្តីរាជការជាជនមានពិការភាពចូលរួមបម្រើការងារ"

ចេញ​ផ្សាយ​ ២៩ មីនា ២០២៤ 3103

នៅថ្ងៃទី២៩ ខែមីនា ឆ្នាំ២០២៤ ឯកឧត្តម ប៉ែន ផល្លីកា អនុរដ្ឋលេខាធិការក្រសួងកសិកម្ម រុក្ខាម្រមាញ់ និងនេសាទ បានចូលរួមសិក្ខាសាលាក្រោមប្រធានបទ "ការជំរុញការអនុវត្តច្បាប់ ស្តីពីកិច្ចការពារ និងលើកកម្ពស់សិទ្ធិជនពិការ ដល់ស្ថាប័នរដ្ឋ ក្នុងការជ្រើសរើសមន្រ្តីរាជការ ជាជនមានពិការភាពចូលរួមបម្រើការងារ" ក្រោមអធិបតីភាពលោកជំទាវ លៀង ស្រីម៉ុល រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា។

សិក្ខាសាលានេះធ្វើឡើងក្នុងគោលបំណង បន្តជំរុញការអនុវត្តច្បាប់ស្តីពីកិច្ចការពារ និងលើកកម្ពស់សិទ្ធិជនពិការ និងអនុក្រឹត្យលេខ១០៦ ស្តីពីការកំណត់អត្រា និងបែបបទនៃការជ្រើសរើស​ជនពិការចូលបម្រើការងារ ឱ្យបានអត្រាលើស ២% នៅឆ្នាំ២០២៤  បង្កើនការយល់ដឹងពីពិការភាពក្នុងការវិនិច្ឆ័យប្រភេទ និងកម្រិតពិការភាព សម្រាប់រៀបចំធ្វើបច្ចុប្បន្នភាព​ប្រមូលស្ថិតិមន្រ្តីរាជការជាជនមានពិការភាពកំពុងបម្រើការក្នុងក្រសួង ស្ថាប័នរដ្ឋ ក្នុងឆ្នាំ២០២៤ និងផ្សព្វផ្សាយដល់ក្រសួង ស្ថាប័នរដ្ឋ ឱ្យបន្តផ្សព្វផ្សាយដល់ជនមានពិការភាព ទៅសម្ភាសន៍ចូលក្នុងកម្មវិធីអត្តសញ្ញាណកម្មពិការភាព ជំរុញលើកទឹកចិត្ត ផ្តល់អទិភាព និងឱកាសការងារដល់​ជនពិការតាមរយៈការដាក់ពាក្យប្រឡងចូលក្របខណ្ឌរដ្ឋ៕