ឯកឧត្ដមរដ្ឋមន្ត្រី ឌិត ទីណា និងសហការី បានអញ្ជើញចុះពិនិត្យកសិដ្ឋានភ្ញាស់កូនត្រី ចិញ្ចឹមកូនត្រី និងបង្កង នៅភូមិដកពរ​ ឃុំសំបូរ ស្រុកទ្រាំង ខេត្តតាកែវ

ចេញ​ផ្សាយ​ ២២ វិច្ឆិកា ២០២២ 5295

ឯកឧត្ដមរដ្ឋមន្ត្រី ឌិត ទីណា បានចូលអបអរសាទរកសិដ្ឋានភ្ញាស់កូនត្រី ចិញ្ចឹមកូនត្រី និងបង្កង នៅភូមិដកពរ​ ឃុំសំបូរ ស្រុកទ្រាំង ខេត្តតាកែវ ដែលសម្រេចបានភាពជោគជ័យគួរឱ្យកត់សម្គាល់។ ទន្ទឹមនេះ ឯកឧត្ដមរដ្ឋមន្ត្រីក៏លើកទឹកចិត្តឱ្យបងប្អូនបង្កើនការគិតគូរដល់ការរៀបចំ​ និងគ្រប់គ្រងផែនការផលិតកម្មឱ្យច្បាស់លាស់​ ដេីម្បីកុំឱ្យផលិត​លើសពីតម្រូវការទីផ្សារ​នាំឱ្យតម្លៃធ្លាក់ចុះ។ អង្គភាពជំនាញ មន្ទីរកសិកម្ម រុក្ខាប្រមាញ់ និង​នេសាទ និងវិស័យឯកជន គួរសហការគ្នាចុះផ្សព្វផ្សាយ​ និងពន្យល់ណែនាំដល់កសិករអ្នកផលិត ឱ្យចេះរៀបចំផែនការផលិតនិងវិភាគអំពីការចំណាយ និងប្រាក់ចំណេញ។