Other News
វេទិកាគោលនយោបាយថ្នាក់តំបន់ស្តីពី “ដំណើរការផ្លាស់ប្តូរវិស័យ កសិកម្ម និងការធ្វើសមាហរណកម្មទីផ្សារនៅក្នុងតំបន់អាស៊ាន”
ចេញផ្សាយ ៣១ ធ្នូ ២០១៨ 18413
កាលពីថ្ងៃព្រហស្បត្តិ៍-សុក្រ ៦-៧កើត ខែមិគសិរ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៣ ដល់ ថ្ងៃទី១៤ ខែធ្នូ ឆ្នាំ២០១៨ នៅសណ្ឋាគារហ្គាឌិនស៊ីធី រាជធានីភ្នំពេញ។ លោកបណ្ឌិត សរ ចិត្រា បានចូលរួមពិធីបើកវេទិកាគោលនយោបាយថ្នាក់តំបន់ស្តីពីដំណើរការផ្លាស់ប្តូរវិស័យកសិកម្ម និងការធ្វើសមាហរណកម្មទីផ្សារនៅក្នុងតំបន់អាស៊ាន។ វេទិកានេះត្រូវបានរៀបចំដោយក្រសួងកសិកម្ម រុក្ខាប្រមាញ់ និងនេសាទ នៃព្រះរាជាណាចក្រកម្ពុជាដោយសហការជាមួយវិទ្យាស្ថានស្រាវជ្រាវគោលនយោបាយស្បៀងអាហារអន្តរជាតិ (IFPRI) មជ្ឈមណ្ឌលតំបន់អាស៊ីអាគ្នេយ៍សំរាប់ការសិក្សាជាន់ខ្ពស់ និងស្រាវជ្រាវកសិកម្ម (SEARCA) ក្រោមការឧបត្ថម្ភដោយមូលនិធិអន្តរជាតិសំរាប់អភិវឌ្ឍន៍កសិកម្ម(IFAD)។ វិទិកានេះមានសមាសភាពចូលរួមមកពីក្រុមការងារបច្ចេកទេសលេខាធិការដ្ឋានអាស៊ាន និងរដ្ឋសមាជិកអាស៊ាន រួមទាំងអ្នកបង្កើតគោលនយោបាយ ទីប្រឹក្សាគោលនយោបាយ មន្រ្តីរដ្ឋាភិបាល អ្នកជំនាញ និងអ្នកតំណាងទីភ្នាក់ងារអភិវឌ្ឍន៍វិស័យឯកជន ម្ចាស់ជំនួយ អង្គការសង្គមស៊ីវិល និងកសិករនៅក្នុងតំបន់អាស៊ាន។
គោលបំណងវេទិកាថ្នាក់តំបន់នេះគឺដើម្បីបង្ហាញអំពីការវិភាគគោលនយោបាយដែលផ្អែកលើភស្តុតាងជាក់ស្តែង ក្នុងទិសដៅបង្កើនបរិយាកាសសហប្រតិបត្តិការក្នុងចំណោមរដ្ឋជាសមាជិកអាស៊ាន និង សម្របសម្រួលលើការតម្រង់ទិសនិងការចូលរួមពីអ្នកពាក់ព័ន្ធមកពីរដ្ឋាភិបាល សង្គមស៊ីវិល ស្ថានបនអប់រំនិងស្រាវជ្រាវ សមាគមកសិករ និងផ្នែកឯកជន។
