នៅថ្ងៃទី១២  ខែឧសភា ឆ្នាំ២០២៥ ឯកឧត្តម ទឹម បូរក្ស អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ តាមការចាត់តាំងពី ឯកឧត្តម ចាន់ សុវុឌ្ឍ រដ្ឋលេខាធិការក្រសួងកសិកម្ម និងជាប្រធានក្រុមការងារ ទទួលបន្ទុកស្រុកម៉ាឡៃ ខេត្តបន្ទាយមានជ័យ  បានអញ្ជើញចូលរួមប្រារព្ធពិធីបើកការដ្ឋាន ការងារលើកកម្រិតគុណភាពផ្លូវក្រាលកៅស៊ូពីរជាន់ DBST ចំនួន៣ខ្សែ និងលូ នៅ "តំបន់អភិវឌ្ឍន៍ បឹងជង្រុក តេជោឈ្នះៗ" ស្ថិតក្នុងស្រុកម៉ាឡៃ ខេត្តបន្ទាយមានជ័យ។
ពិធីនេះប្រព្រឹត្តទៅក្រោមអធិបតីភាពឯកឧត្តម ប៊ុន ច័ន្ទវណ្ណៈ  រដ្ឋលេខាធិការក្រសួងអភិវឌ្ឍន៍ជនបទ  និងមានការចូលរួមពីសំណាក់ ឯកឧត្តម ប្លែក វ៉ារី ប្រធានក្រុមប្រឹក្សាខេត្តបន្ទាយមានជ័យ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ឧត្តមសេនីយ៍ទោ ចាន់ សុខឡា មេបញ្ជាការរង កងវិស្វកម្មតេជោ ហ៊ុន សែន សៀមរាប និងលោកប្រធានមន្ទីរអភិវឌ្ឍន៍ជនបទខេត្ត ក្រុមប្រឹក្សាស្រុក គណៈអភិបាល នាយក នាយករងរដ្ឋបាល សាលាស្រុក ប្រធានការិយាល័យ អង្គភាព លោកមេឃុំគ្រប់ឃុំ និងប្រជាពលរដ្ឋ សរុបចំនួន២២៣នាក់។
បើតាមឯកឧត្តមអនុរដ្ឋលេខាធិការ ផ្លូវក្រាលកៅស៊ូពីរជាន់ DBST មានចំនួន៣ខ្សែ ដោយមានប្រវែងសរុប ៩ ៩៦៨ម៉ែត្រ (ខ្សែទី១ មានប្រវែង៨ ៤៣៦ម៉ែត្រ, ខ្សែទី២ មានប្រវែង ៨១១ម៉ែត្រ និងខ្សែទី៣ មានប្រវែង ៧២១ម៉ែត្រ ទទឹង ៧ម៉ែត្រ ចិញ្ចើមផ្លូវក្រាលដីល្បាយគ្រូសសងខាង ម្ខាងៗ ១ម៉ែត្រ)។ ជាមួយគ្នានេះ ក៏មានសាងសង់លូប្រអប់គ្រប់ប្រភេទចំនួន៧កន្លែង និងលូមូលគ្រប់ប្រភេទចំនួន៥កន្លែង ស្ថិតនៅភូមិអូរអំពិល ភូមិទួលប្រាសាទ ភូមិបឹងជង្រុក តេជោឈ្នះឈ្នះ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ៕