លោកបណ្ឌិត សរ ចិត្រា អគ្គលេខាធិការរងទទួលបន្ទុករួម នៃក្រសួងកសិកម្ម រុក្ខាប្រមាញ់ និងនេសាទ អញ្ជើញជាអធិបតីភាពក្នុងពិធីចុះហត្ថលេខាលើគម្រោងស្តីពី“សកម្មភាពសហគមន៍សម្រាប់និរន្តភាពព្រៃឈើ”

ចេញ​ផ្សាយ​ ០៧ មេសា ២០២៤ 837

នៅថ្ងៃទី០៥ ខែមេសា ឆ្នាំ២០២៤ លោកបណ្ឌិត សរ ចិត្រា អគ្គលេខាធិការរងទទួលបន្ទុករួម នៃក្រសួងកសិកម្ម រុក្ខាប្រមាញ់ និង នេសាទ អញ្ជើញជាអធិបតីភាពក្នុងពិធីចុះហត្ថលេខាលើគម្រោងឯកសារ ស្តីពី "សកម្មភាពសហគមន៍សម្រាប់និរន្តភាពព្រៃឈើ" ដែលពិធីនេះរៀបចំឡើងដោយនាយកដ្ឋានសហប្រតិបត្តិការអន្តរជាតិ នៃក្រសួងកសិកម្ម រុក្ខាប្រមាញ់ និងនេសាទ និងអង្គការស្បៀង និងកសិកម្មនៃសហប្រជាជាតិប្រចាំកម្ពុជា( FAO)ប្រព្រឹត្តទៅនៅទីស្តីការក្រសួងកសិកម្ម។

គោលបំណងនៃគម្រោងនេះ គឺដើម្បីលើកកម្ពស់ការគ្រប់គ្រងប្រកបដោយនិរន្តភាពនៃធនធានព្រៃឈើក្នុងស្រុក តាមរយះការកសាងភាពធន និងការផ្តល់សេវាកម្មចិញ្ចឹមជីវិត និងប្រព័ន្ធអេកូឡូស៊ីក្នុងសហគមន៍មូលដ្ឋាន នៅទីតាំងគោលដៅនៃគម្រោងជាពិសេសកសិករខ្នាតតូចប្រមាណ ៨៦,០០០នាក់ ដែល៥២% ជាស្ត្រី។

សមាសភាពដែលអញ្ជើញចូលរួមក្នុងពិធីចុះហត្ថលេខានេះរួមមាន ថ្នាក់ដឹកនាំក្រសួងកសិកម្ម រុក្ខាប្រមាញ់ និងនេសាទ ប្រធានអង្គការ FAO និងដៃគូអភិវឌ្ឍន៍ចំនួន០៤ ស្ថាប័នទៀតមានដូចជា អង្គការ UNDP  អង្គការ WCF  អង្គការ RECOFTC និងអង្គការ SDC ៕