ឯកឧត្តមរដ្ឋមន្ត្រី និងសហការី បានបន្តដំណើរមកខេត្ត បន្ទាយមានជ័យ ក្នុងគោលបំណងពិនិត្យរោងចក្រកែច្នៃឈើដាំរបស់ក្រុមហ៊ុន ផេភើរ ទ្រី អ៊ិនវេស មេន ខេមបូឌា (Paper Tree Investment Cambodia Co., Ltd.)

ចេញ​ផ្សាយ​ ១៥ មិថុនា ២០២០ 5867

កម្មវិធីទី៣៖
នៅរសៀលថ្ងៃដដែល ចេញពីខេត្តប៉ៃលិន ឯកឧត្តមរដ្ឋមន្ត្រី និងសហការី បានបន្តដំណើរមកខេត្ត បន្ទាយមានជ័យ ក្នុងគោលបំណងពិនិត្យរោងចក្រកែច្នៃឈើដាំរបស់ក្រុមហ៊ុន ផេភើរ ទ្រី អ៊ិនវេស មេន ខេមបូឌា (Paper Tree Investment Cambodia Co., Ltd.) ស្ថិតក្នុងស្រុកម៉ាឡៃ។

នាឱកាសនេះក៏មានការអញ្ជើញចូលរួមពីឯកឧត្ដម គឹង វណ្ណ: និងឯកឧត្តម លី សារី អភិបាល រងខេត្តបន្ទាយមានជ័យផងដែរ។ រៀបរាប់ជូនឯកឧត្តមរដ្ឋមន្រ្តីជ្រាបលោក តឹក សុភក្តិ នាយកចាត់ការទូទៅ បានឱ្យដឹងថាក្រុមហ៊ុននេះ ជាសហគ្រាសឯកបុគ្គលទទួលខុសត្រូវមានកម្រិត ដែលមានដើមទុនចុះបញ្ជីចំនួន ១ ៥០០ ០០០ ដុល្លារអាមេរិក នៅក្រសួងពាណិជ្ជកម្ម និងជាក្រុមហ៊ុនវិនិយោគមួយបានបង្កើតដោយ ក្រុមហ៊ុន Paper Tree Holding Co., Ltd. នៅខេត្ត Prachinburi ប្រទេសថៃតំណាងដោយលោក Surasak Boonnitipat ពាណិជ្ជករសញ្ជាតិថៃ។ ក្រុមហ៊ុននេះមានកម្មវត្ថុវិនិយោគបង្កើតកសិដ្ឋានបណ្តុះកូនឈើ និងដាំឈើឧស្សាហកម្ម (ដើមប្រេងខ្យល់) និងសាងសង់រោងចក្រកែច្នៃឈើពាក់កណ្តាលសម្រេច ដើម្បីយកចំណិតឈើទៅផលិតជាក្រដាស និងជាថាមពលនៅប្រទេសថៃ។

ដើម្បីគាំទ្រ និងលើកទឹកចិត្តក្នុងការប្រើប្រាស់ កែច្នៃវត្ថុធាតុដើមជាឈើដាំក្នុងស្រុក ព្រមទាំងលើកទឹកចិត្តដល់ការដាំឈើជាចម្ការលក្ខណៈគ្រួសារ តាមរយៈផលិតកម្មតាមកិច្ចសន្យា (រវាងក្រុមហ៊ុន និងប្រជាពលរដ្ឋមូលដ្ឋាន) ឯកឧត្តមរដ្ឋមន្ត្រីបានលើកទឹកចិត្ត និងគាំទ្រក្រុមហ៊ុនឱ្យពង្រីកការដាំឈើលើផ្ទៃដីដែលមានស្រាប់ និងធ្វើកិច្ចសន្យាដាំជាមួយក្រុមហ៊ុនក្នុងស្រុក ជាមួយកសិករ ដើម្បីចូលរួមចំណែកលើកស្ទួយជីវភាពប្រជាពលរដ្ឋមូលដ្ឋាន។ ថ្មីៗនេះ ក្រសួងកសិកម្ម រុក្ខាប្រមាញ់ និងនេសាទ បានអនុញ្ញាតឲ្យក្រុមហ៊ុនបង្កើតរោងម៉ាស៊ីនកែច្នៃឈើចំណិត ឬឈើចិញ្ច្រាំ (Wood Chip) ០១កន្លែងស្ថិតនៅក្នុងភូមិអូរអំពិល ឃុំទួលពង្រ ស្រុកម៉ាឡៃ (ប្រកាសលេខ ១០១ប្រក.កសក ចុះថ្ងៃទី០៦ ខែកុម្ភៈ ឆ្នាំ២០១៩ និងប្រកាសលេខ ១១១ប្រក.កសក ចុះថ្ងៃទី១០ ខែមីនា ឆ្នាំ២០២០)។ ឯកឧត្តមរដ្ឋមន្ត្រីបានស្នើឱ្យក្រុមហ៊ុនពិនិត្យលទ្ធភាពបង្កើតរោងចក្រកែច្នៃ ឬផលិតក្រដាស់នៅកម្ពុជាតែម្តង ប្រសើរជាងដឹកជញ្ជូនវត្ថុធាតុដើមទៅប្រទេសថៃ។ ចំពោះការងារបច្ចេកទេសទាក់ទងការដាំ និងបង្កាត់ ក្រុមហ៊ុនត្រូវសហការជាមួយរដ្ឋបាលព្រៃឈើ និងមន្ទីរកសិកម្ម រុក្ខាប្រមាញ់ និងនេសាទខេត្ត។

ខាងក្រោមនេះគឺជាព័ត៌មានលម្អិតទាក់ទងសកម្មភាពអាជីវកម្មរបស់ក្រុមហ៊ុន៖

បច្ចុប្បន្នរោងម៉ាស៊ីនកែច្នៃឈើចំណិត ឬឈើចិញ្ច្រាំ (Wood Chip) នេះមាន ០១ខ្សែចង្វាក់ផលិតកម្មកែច្នៃប្រភេទធំ ដែលមានសមត្ថភាពផលិត (ការចិញ្ច្រាំឈើមូលដើមប្រេងខ្យល់) ពី ១៥-២០តានក្នុង១ម៉ាង ដែលដំណើរការពី៦-៨ម៉ោង/ថ្ងៃ (ថ្ងៃការងារមានចំនួន២០-២៤ថ្ងៃ/ខែ មានអត្រាកែច្នៃស្មើ ៨០% (ក្នុងនោះអត្រាបាត់បង់លើសំបកចំនួន ១៨% និងអាចម៍រណា ចំនួន ២%)។ ក្រុមហ៊ុនមានចម្ការឈើដើមប្រេងខ្យល់ (ពូជបង្កាត់ K7) ចំនួន ០៤កន្លែង (ក្នុងខេត្តបន្ទាយមានជ័យ ០២កន្លែង បាត់ដំបង០១កន្លែង និងប៉ៃលិន ០១កន្លែង) លើផ្ទៃដីសរុបទំហំ ១ ០៥៦ហត។ ឆ្នាំ២០១៧-២០១៨ ក្រុមហ៊ុនបានដាំកូនឈើសរុបចំនួន ២ ៣៤៤ ៥៦៤ដើម។ បច្ចុប្បន្នក្រុមហ៊ុនបានកាប់ប្រមូលពីចម្ការឈើដាំខាងលើមួយចំនួន និងទទួលទិញពីប្រជាពលរដ្ឋពីបណ្តាខេត្តនានា (ខេត្តបន្ទាយមានជ័យ បាត់ដំបង ប៉ៃលិន សៀមរាប ឧត្តរមានជ័យ កំពង់ធំ ព្រះវិហារ តាកែវ និងខេត្តកំពត) ដឹកមកកាន់រោងម៉ាស៊ីនកែច្នៃឈើរបស់ខ្លួននូវបរិមាណសរុបចំនួន ៩ ៧៦៥តោន ភាគច្រើនដើមឈើប្រេងខ្យល់ K7។ ក្រុមហ៊ុនមានដើមប្រេងខ្យល់សម្រាប់ផ្គត់ផ្គង់រោងចក្រកែច្នៃនេះបានមកពីចម្ការឈើដាំ (ផលិតកម្មតាមកិច្ចសន្យាជាមួយប្រជាពលរដ្ឋ និងអង្គភាពនៃកងយោធពលខេមរភូមិន្ទ) ក្នុងខេត្តបន្ទាយមានជ័យ បាត់ដំបង ប៉ៃលិន សៀមរាប និងខេត្តឧត្តរមានជ័យ។ ក្រុមហ៊ុនទទួលបានគោលការណ៍អនុញ្ញាតឲ្យនាំចេញពីក្រសួងកសិកម្ម រុក្ខាប្រមាញ់ និងនេសាទ នូវផលិតផលឈើចិញ្រ្ចាំ ឬកម្ទេចឈើកែច្នៃពីឈើដើមប្រេងខ្យល់ចំនួន ៥០ ០០០ តោន ឆ្នាំ ២០២០-២០២១ ហើយក្រុមហ៊ុនកំពុងបំពេញបែបបទស្នើសុំអាជ្ញាប័ណ្ណនាំចេញផលិតផលឈើចិញ្រ្ចាំ ឬកម្ទេចឈើកែច្នៃពីឈើដើមប្រេងខ្យល់ចំនួន ៤ ០០០ តោន ទៅកាន់ប្រទេសថៃ តាមច្រកភ្នំដី ស្រុកសំពៅលូន ខេត្តបាត់ដំបងផងដែរ។

ព័ត៌មានផ្សេងៗទៀត
ចេញ​ផ្សាយ​ ២២ វិច្ឆិកា ២០២៦ 354

ថ្នាក់ដឹកនាំក្រសួងកសិកម្ម​ ទទួលជួបជាមួយលោក Niu Jian ប្រធានក្រុមហ៊ុន(HLID) ក្នុងជំនួបពិភាក្សាការងារ នៅសាធារណរដ្ឋប្រជាមានិតចិន

នាថ្ងៃទី២១​ ខែវិច្ឆិកា​ ឆ្នាំ២០២៦​ ឯកឧត្តមអនុរដ្ឋលេខាធិការ គី ច័ន្ទរំដួល អ​មដោយ លោក ងួន វិសុទ្ធ អគ្គកុងស៊ុលកម្ពុជាប្រចាំទីក្រុងសៀងហៃ អញ្ជើញដឹកនាំគណៈប្រតិភូក្រសួងកសិកម្ម...
ចេញ​ផ្សាយ​ ២១ វិច្ឆិកា ២០២៦ 783

«សន្និសីទអភិរក្សថនិកសត្វទឹកសាបនៅអាស៊ី ឆ្នាំ២០២៦» បិទបញ្ចប់ដោយឯកភាពជាគោលការណ៍លើការបង្កើតបណ្តាញអភិរក្សថនិកសត្វទឹកសាបនិងសមុទ្រថ្នាក់តំបន់

សន្និសីទអភិរក្សថនិកសត្វទឹកសាប នៅអាស៊ី ឆ្នាំ២០២៦ ដែលបានរៀបចំឡើងចាប់ពីថ្ងៃទី១៨ ដល់ថ្ងៃទី២០ ខែវិច្ឆិកា ឆ្នាំ២០២៦ នៅខេត្តសៀមរាប បានបញ្ចប់ដោយជោគជ័យ ជាមួយនឹងលទ្ធផលដ៏សំខាន់...
ចេញ​ផ្សាយ​ ២១ វិច្ឆិកា ២០២៦ 905

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់ និងទទួលផ្ទះសំណាញ់ចំនួន៨៩ខ្នង ជូនសហគមន៍កសិកម្មចំនួន១៣ ក្នុងខេត្តសៀមរាប

នៅរសៀលថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការ និងជាសហប្រធានគណៈកម្មការតម្រង់ទិសគម្រោង «គុជ» តំណាងដ៏ខ្ពង់ខ្ពស់ឯកឧត្តម ឌិត ទីណា...
ចេញ​ផ្សាយ​ ២១ វិច្ឆិកា ២០២៦ 950

ឯកឧត្តមរដ្ឋលេខាធិការ ហាស់ សារ៉េត អញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពី ជលផល និងនីតិវិធីពាក់ព័ន្ធ ដល់មន្ត្រីសមត្ថកិច្ចជលផល

នៅថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពីជលផល...
ចេញ​ផ្សាយ​ ២១ វិច្ឆិកា ២០២៦ 921

ថ្នាក់ដឹកនាំក្រសួងកសិកម្ម​ អញ្ជើញបំពេញទស្សនកិច្ចសិក្សា​ និងលើកទឹកចិត្តដល់វិនិយោគគិនចិនលើវិស័យកសិកម្ម​ នៅសាធារណរដ្ឋប្រជាមានិតចិន

នាថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមអនុរដ្ឋលេខាធិការ គី ច័ន្ទរំដួល អញ្ជើញដឹកនាំគណៈប្រតិភូក្រសួងកសិកម្ម រុក្ខាប្រមាញ់ និងនេសាទ បំពេញទស្សនកិច្ចសិក្សា ផ្សព្វផ្សាយ...
ចេញ​ផ្សាយ​ ២១ វិច្ឆិកា ២០២៦ 983

«រួមគ្នាជាសហគមន៍ ដើម្បីរីកចម្រើនទាំងអស់គ្នា!»

«រួមគ្នាជាសហគមន៍ ដើម្បីរីកចម្រើនទាំងអស់គ្នា!» ក្រសួងកសិកម្ម រុក្ខាប្រមាញ់ និងនេសាទ ដោយសហការជាមួយអង្គការ FAO ជាដៃគូអនុវត្តគម្រោង «គជ់» (PEARL) បាននាំយកផ្ទះសំណាញ់...
ចេញ​ផ្សាយ​ ២១ វិច្ឆិកា ២០២៦ 969

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់សម្ភារៈប្រើប្រាស់កសិកម្មជូនសហគមន៍ចំនួន៨ ក្នុងខេត្តឧត្តរមានជ័យ

នៅព្រឹកថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម​ និងជាសហប្រធានគណៈកម្មការតម្រង់ទិសគម្រោង «គជ់» ជាតំណាងដ៏ខ្ពង់ខ្ពស់ឯកឧត្តមរដ្ឋមន្ត្រី...
ចេញ​ផ្សាយ​ ២១ វិច្ឆិកា ២០២៦ 997

ថ្នាក់ដឹកនាំក្រសួងកសិកម្ម អញ្ជើញចែកគ្រាប់ពូជបន្លែជូនអ្នកភូមិរង់ចាំ ជាង ៣០០គ្រួសារ ដើម្បីលើកកម្ពស់ជីវភាពប្រជាពលរដ្ឋ

នៅព្រឹកថ្ងៃទី១៨ ខែវិច្ឆិកា ឆ្នាំ២០២៦ ឯកឧត្តមបណ្ឌិត ​យ៉ង សាំងកុមារ បានដឹកនាំសកម្មភាពចែកគ្រាប់ពូជបន្លែជូនអ្នកភូមិរង់ចាំ នៃខេត្តបន្ទាយមានជ័យ ជាង ៣០០ គ្រួសារ ដោយមានការចូលរួមពីតំណាងមន្ទីរកសិកម្ម...
ចេញ​ផ្សាយ​ ២១ វិច្ឆិកា ២០២៦ 983

លោកជំទាវអនុរដ្ឋលេខាធិការ អ៊ឹម រចនា រួមដំណើរគណៈប្រតិភូស្ថាប័នជលផលចិន និង IHB ទស្សនកិច្ចកន្លែងអភិរក្សជលផលកំពង់ភ្លុក នៃខេត្តសៀមរាប

នាថ្ងៃទី១៩ ខែវិច្ឆិកា ឆ្នាំ២០២៦ លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញរួមដំណើរជាមួយគណៈប្រតិភូស្ថាប័នជលផលចិន និងវិទ្យាស្ថានជីវសាស្ត្រជលផល...
ចេញ​ផ្សាយ​ ២០ វិច្ឆិកា ២០២៦ 1387

ថ្នាក់ដឹកនាំក្រសួងកសិកម្មអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​” ជាមួយគម្រោង COSTEA

នៅថ្ងៃទី១៧-១៩ ខែវិច្ឆិកា ឆ្នាំ២០២៦ ឯកឧត្ដម ខាត់ សុធី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​”...
ចេញ​ផ្សាយ​ ១៩ វិច្ឆិកា ២០២៦ 1488

ឯកឧត្តមរដ្ឋមន្ត្រី ឌិត ទីណា បន្តអញ្ជើញជួបសំណេះសំណាល និងប្រគល់ត្រាក់ទ័រ គោយន្ត ព្រមទាំងម៉ាស៊ីនច្រូតកាត់ ជូនដល់សហគមន៍កសិកម្មនៅខេត្តព្រះវិហារ

នាថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបន្តដំណើរអញ្ជើញចុះជួបសំណេះសំណាល និងប្រគល់គ្រឿងយន្តកសិកម្ម...
ចេញ​ផ្សាយ​ ១៩ វិច្ឆិកា ២០២៦ 1520

លោកជំទាវ អ៊ឹម រចនា ពិភាក្សាជាមួយតំណាងស្ថាប័នជលផលចិន និង វិទ្យាស្ថានជីវសាស្ត្រទឹកនៃបណ្ឌិត្យសភាវិទ្យាសាស្ត្រចិន អំពីការពង្រឹងកិច្ចសហប្រតិបត្តិការអភិរក្សសត្វផ្សោតទន្លេមេគង្គ និងប្រព័ន្ធអេកូឡូស៊ីជលផល

ក្នុងឱកាសនៃ«កិច្ចប្រជុំថ្នាក់តំបន់ស្តីពីការអភិរក្សថនិកសត្វទឹកសាបនៅតំបន់អាស៊ី» លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានជួបពិភាក្សាការងារជាមួយតំណាងវិទ្យាស្ថានជីវសាស្ត្រទឹក...