ឯកឧត្តមរដ្ឋមន្រ្តី វេង សាខុន លោកជំទាវ ម៉ក់ ស៊ីថា និងឯកឧត្តមអភិបាលនៃគណ: អភិបាលខេត្ត បានអញ្ជើញជាអធិបតីភាពក្នុងពិធីបុណ្យដារលាន ដែលស្ថិតនៅភូមិខ្លាកូន ឃុំពត់សរ ស្រុកបាទី ខេត្ដតាកែវ

ចេញ​ផ្សាយ​ ៣១ មករា ២០២០ 4167

ពិធីបុណ្យដារលាន គឺជាបុណ្យទាក់ទងនឹងជំនឿព្រះពុទ្ធសាសនាដែលដូនតាខ្មែរគោរពប្រតិបត្តិយ៉ាងខ្ជាប់ខ្ជួនតាំងពីយូលង់រហូតមកទល់បច្ចុប្បន្ន។ ជារៀងរាល់ឆ្នាំក្រសួងកសិកម្ម រុក្ខាប្រមាញ់ និងនេសាទតែងតែប្រតិបត្តិតរៀងមកដើម្បីជាការដាស់តឿនក្រើនរំព្ញកដល់ជនរួមជាតិខ្មែរ និងយុវជនជំនាន់ក្រោយឱ្យចងចាំនូវវប្បធម៌ និងប្រពៃណីដ៏ល្អផូរផង់របស់ជាតិយើង ជាពិសេសដើម្បីរក្សានូវអត្ដសញ្ញាណព្រលឹងជាតិខ្មែរឱ្យបានគង់វង្ស។ ឆ្នាំ២០២០ នេះ នៅរសៀលថ្ងៃពុធ ៥កើត ខែមាឃ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៩ ខែមករា អគ្គនាយកដ្ឋានកសិកម្ម សហការជាមួយអាជ្ញាធរដែលដី មន្ទីរកសិកម្ម រុក្ខាប្រមាញ់ និងនេសាទខេត្តបានរៀបចំ ប្រារព្វពិធីបុណ្យដារលាននៅភូមិខ្លាកូន ឃុំពត់ស ស្រុកបាទី ខេត្ដតាកែវ ដែលពិធីនេះស្ថិតក្រោមអធិបតី ភាពឯកឧត្តមរដ្ឋមន្រ្តី វេង សាខុន លោកជំទាវ ម៉ក់ ស៊ីថា និងឯកឧត្តម អ៊ូច ធា អភិបាលនៃគណ: អភិបាលខេត្ត ព្រមទាំងឯកឧត្តម លោកជំទាវថ្នាក់ដឹកនាំក្រសួង អាជ្ញាធរដែនដី លោក លោកស្រី នាងកញ្ញា ភ្ញៀវកិត្តិយសជាតិ អន្តរជាតិ ព្រះសង្ឃ យាយជី តាជី សិស្សានុសិស្ស និងបងប្អូនប្រជា ពលរដ្ឋយ៉ាងច្រើនកុះករ។ ជាបឋមលោក ញឹប ស៊្រន ប្រធានមន្ទីរកសិកម្ម រុក្ខាប្រមាញ់ និងនេសាទបានអានមតិស្វាគមន៍ និងរាយការណ៍ជូនអង្គពិធីជ្រាបអំពីការងារបង្កបង្កើនផលនាឆ្នាំ២០១៩ ដែលមន្ទីរសម្រេចបាន។ ក្នុងឱកាសនេះផងដែរឯកឧត្តមអភិបាលខេត្តបានធ្វើចំណាប់អារម្មណ៍ប្រកបដោយខ្លឹមសារ និងអត្ថន័យទាក់ទងនឹងពិធីបុណ្យដារលាននាពេលនេះដែលបានកើតឡើងលើទឹកដីខេត្តតាកែវស្របពេលដែលប្រទេសជាតិកំពុងជ្រកក្រោមម្លប់សុខសន្តិភាពពេញបរិបូណ៌ និងមានការអភិវឌ្ឍន៍លើគ្រប់វិស័យនៅទូទាំងប្រទេស ដោយឡែកនៅខេត្តតាកែវ ជាពិសេសវិស័យកសិកម្មដូចដែលលោកប្រធានមន្ទីរបានជម្រាបជូនខាងដើម។

ឯកឧត្តមរដ្ឋមន្រ្តីក្នុងនាមថ្នាក់ដឹកនាំក្រសួង ព្រមទាំងឯកឧត្តមអភិបាលខេត្តបានពាំនាំនូវការផ្តាំផ្ញើសាកសួរសុខទុក្ខ និងសេចក្តីនឹករលឹកដ៏ជ្រាលជ្រៅពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រគេនចំពោះព្រះករុណាគ្រប់ព្រះ អង្គ និងជូនចំពោះបងប្អូនដែលមានវត្តមាននៅទីនេះ និងសូមទទួលយកនូវសិរីសួស្តី ជ័យមង្គល វិបុលសុខគ្រប់ប្រការកុំបីឃ្លៀងឃ្លាតឡើយ។ ភ្ជាប់ជាមួយនឹងពិធីបុណ្យនាពេលនេះ ឯកឧត្តមរដ្ឋមន្ត្រីបានថ្លែងអំណរគុណជូនចំពោះឯកឧត្តមអភិបាលខេត្ត អាជ្ញាធរស្រុក ឃុំ ភូមិ អគ្គនាយកដ្ឋានកសិកម្ម មន្ទីរកសិកម្ម រុក្ខាប្រមាញ់ និងនេសាទ និងគ្រប់ភាគីពាក់ព័ន្ធដែលបានមូលមតិគ្នាជាឯកច្ឆន្ទជ្រើសរើសយកកន្លែងនេះរៀបចំប្រារព្វពិធីបុណ្យនេះឡើងបានយ៉ាងល្អគួរឱ្យកោត សរសើរ និងវាយតម្លៃខ្ពស់។ ចំពោះអត្ថន័យនៃពិធីបុណ្យនាពេលនេះ ឯកឧត្តមរដ្ឋមន្រ្តីបានរំលឹកជូនអង្គពិធីជ្រាបដោយសង្ខេបថា៖ បុណ្យដារលាន ជាបុណ្យដែលទាក់ទងទៅនឹងជំនឿសាសនារបស់ប្រជាពលរដ្ឋខ្មែរដែលតែងតែប្រតិបត្តិយ៉ាងខ្ជាប់ខ្ជួននូវប្រពៃណីទំនៀមទំលាប់នេះ ហើយគេតែងតែប្រារព្វធ្វើក្រោយពីបានបញ្ចប់ការងារច្រូតកាត់ និងបោកបែនស្រូវរួចរាល់ក្នុងគោលបំណងរក្សានូវអត្ដសញ្ញាណព្រលឹងជាតិ គោរពដឹងគុណចំពោះម្ចាស់ទឹក ម្ចាស់ដី និងវត្ថុស័ក្តិសិទ្ធិក្នុងលោក។ ផ្នែកសង្គមវិញ បុណ្យនេះបានបង្កើតឱកាសឱ្យប្រជាកសិករបានមកជួបជុំញាតិមិត្ដ បង ប្អូនជិតឆ្ងាយ មន្ត្រីជំនាញ អាជ្ញាធរពាក់ព័ន្ធ ដើម្បីពង្រីក និងពង្រីកចំណងសាមគ្គីភាព មិត្តភាព ចែករំលែក ឬផ្លាស់ប្ដូរយោបល់ បទពិសោធន៍ឱ្យគ្នាអំពីការងារបង្កបង្កើនផល បញ្ហាប្រឈម ដំណោះស្រាយ ទទួលបានប្រភពព័ត៌មាន ឬឯកសារសំខាន់ៗទាក់ទងទីផ្សារ បច្ចេកទេសថ្មីៗ ការដាក់តាំងបង្ហាញ លក់ភោគផលកសិកម្ម និងសម្ភារកសិកម្ម។ល។ មួយវិញ ទៀតបុណ្យនេះគឺបង្កើតបរិយាកាសជូនបងប្អូនកសិករកម្សាន្ដសប្បាយបន្ទាប់ពីបានចំណាយកម្លាំងកាយ ចិត្តគ្រប់ បែបយ៉ាងនៅក្រោមកម្ដៅព្រះអាទិត្យ និងភ្លៀងផ្គរយ៉ាងប្ដូរផ្ដាច់ អស់រយៈពេលពេញមួយរដូវបង្ក បង្កើនផលកន្លងមក។

ឆ្លៀតយកឱកាសនេះ ឯកឧត្តមរដ្ឋមន្រ្តីបានជម្រាបជូនអង្គពិធីជ្រាបដោយសង្ខេបផងដែរអំពីស្ថានភាពទូទៅនៃការវិវឌ្ឍន៍រីកចម្រើនរបស់សង្គមជាតិ ក្រោមការដឹកនាំដ៏ត្រឹមត្រូវ និងមានចក្ខុ វិស័យវែងឆ្ងាយរបស់រាជរដ្ឋាភិបាលដែលមានសម្តេចតេជោហ៊ុន សែន ជានាយករដ្ឋមន្រ្តី។ ស្ថិតក្នុងបរិបទនៃកំណើនសេដ្ឋកិច្ច កំណើនប្រជាជន និងយោងលើសេចក្តីត្រូវការជាមូលដ្ឋានក្នុងការលើកកម្ពស់កម្រិតជីវភាពរបស់ពលរដ្ឋកាន់តែកើនឡើងជាលំដាប់ រាជរដ្ឋាភិបាលបានដាក់ចេញ នូវកម្មវិធីគោលនយោបាយ និងយុទ្ធសាស្រ្តចតុកោណដំណាក់កាលទី៤ ក្នុងទិសដៅពិតប្រាកដមួយគឺដើម្បីជំរុញ និងពន្លឿនការអភិវឌ្ឍន៍លើគ្រប់វិស័យជាជំហានៗច្បាស់លាស់សមស្របតាម ពេលវេលា និងធនធានរបស់ជាតិ ធ្វើយ៉ាងណាឈានឆ្ពោះទៅសម្រេចគោលដៅនៃឆ្នាំ២០៣០ និង២០៥០។ ពិតមែនហើយ វិស័យកសិកម្មបាននិងកំពុងដើរតួនាទីយ៉ាងសំខាន់ក្នុងការចូលរួមទ្រទ្រង់សេដ្ឋកិច្ចជាតិ សេដ្ឋកិច្ចគ្រួសារ ធានាសន្តិសុខស្បៀង អាហារូបត្ថម្ភ គាំទ្រដល់ការនាំចេញ និងជាពិសេសដើម្បីបង្កើនផលិតភាពផលិតកម្មក្នុងស្រុក ពិពិធភាវូបនីយកម្ម និងពាណិជ្ជូបនីយ កម្មកសិកម្មសំដៅលើកកម្ពស់ផលិតភាពផលិតកម្ម ធានាបានទាំងបរិមាណ និងគុណភាពសម ស្របតាមការប្រែប្រួលអាកាសធាតុ បរិយាប័ន និងនវានុវត្តន៍។ ដោយឡែកស្រូវជាដំណាំចម្បងដែលបានរួមចំណែកប្រមាណ១៥% នៃតម្លៃបន្ថែមក្នុងវិស័យកសិកម្ម ជាក់ស្តែងផ្ទៃដីដាំដុះសម្រេចបានជាង៣,៣លានហ.ត នៅឆ្នាំ២០១៨ ទិន្នផល១០,៨លានតោន ហើយយោងតាមការប៉ាន់ស្មានជំហានដំបូងនៅឆ្នាំ២០១៩ ផលស្រូវនឹងអាចសម្រេចបាប្រមាណ១០,៨៨ លានតោន និងអាចនៅសល់ស្រូវសរុបជាង ៥លានតោន ឬអង្ករចំនួនជាង ៣លានតោន។

ថ្លែងសារទៅកាន់ប្រជាពលរដ្ឋប្រមាណ ១២០០នាក់ រួមទាំងអាជ្ញាធរមូលដ្ឋានគ្រប់លំដាប់ថ្នាក់ និងមន្រ្តីរាជការក្រោមឱវាទក្រសួង ឯកឧត្តមរដ្ឋមន្រ្តីបានក្រើនរំលឹកដល់អង្គពិធីឱ្យយកចិត្តទុក ដាក់ថែរក្សាបុណ្យដារលាននេះឱ្យបានគង់វង្សល្អសម្រាប់កូនចៅជំនាន់ក្រោយគោរព ប្រតិបត្តិ និង ជាពិសេសត្រូវរួមគ្នាថែរក្សាសមិទ្ធផលទាំងអស់ដែលរាជរដ្ឋាភិបាលបានកសាង និងដឹងគុណជានិច្ចចំពោះសន្តិភាព មានសន្តិភាពទើបមានស្ថិរភាពសេដ្ឋកិច្ច នយោបាយ សង្គម និងការអភិវឌ្ឍ (អរគុណសន្តិភាព)។ ក្នុងខណ:នេះដែរ ឯកឧត្តមរដ្ឋមន្ត្រីបានណែនាំឱ្យអគ្គនាយដ្ឋាន កសិកម្ម មន្ទីរកសិកម្ម រុក្ខាប្រមាញ់ និងនេសាទខេត្ត និងតួអង្គពាក់ព័ន្ធផ្សេងៗទៀតត្រូវយកចិត្តទុកដាក់ថែមទៀតលើការអនុវត្តបច្ចេកទេស ពង្រឹងនិងពង្រីក ការងារផ្សព្វផ្សាយ និងអនុវត្តច្បាប់ លិខិតបទដ្ឋានគតិយុត្ត ការងារស្រាវជ្រាវ និងបណ្តុះបណ្តាល ពង្រឹងការងារដឹកនាំ និងគ្រប់គ្រងសហគមន៍កសិកម្ម ការអនុវត្តផលិតកម្មកសិកម្មតាមកិច្ចសន្យា ជំរុញ និងលើកទឹកចិត្តការចុះ បញ្ជីកសិដ្ឋានគ្រប់ប្រភេទ លើកកម្ពស់ប្រសិទ្ធភាពចំពោះការផ្តល់សេវាសាធារណ: បន្ដពង្រឹង និងពង្រីកកិច្ចសហការល្អជាមួយអាជ្ញាធរមូលដ្ឋាន ស្ថាប័នជំនាញពាក់ព័ន្ធ និងដៃគូអភិវឌ្ឍន៍ និងវិស័យឯកជន។

ព័ត៌មានផ្សេងៗទៀត
ចេញ​ផ្សាយ​ ២២ វិច្ឆិកា ២០២៦ 354

ថ្នាក់ដឹកនាំក្រសួងកសិកម្ម​ ទទួលជួបជាមួយលោក Niu Jian ប្រធានក្រុមហ៊ុន(HLID) ក្នុងជំនួបពិភាក្សាការងារ នៅសាធារណរដ្ឋប្រជាមានិតចិន

នាថ្ងៃទី២១​ ខែវិច្ឆិកា​ ឆ្នាំ២០២៦​ ឯកឧត្តមអនុរដ្ឋលេខាធិការ គី ច័ន្ទរំដួល អ​មដោយ លោក ងួន វិសុទ្ធ អគ្គកុងស៊ុលកម្ពុជាប្រចាំទីក្រុងសៀងហៃ អញ្ជើញដឹកនាំគណៈប្រតិភូក្រសួងកសិកម្ម...
ចេញ​ផ្សាយ​ ២១ វិច្ឆិកា ២០២៦ 782

«សន្និសីទអភិរក្សថនិកសត្វទឹកសាបនៅអាស៊ី ឆ្នាំ២០២៦» បិទបញ្ចប់ដោយឯកភាពជាគោលការណ៍លើការបង្កើតបណ្តាញអភិរក្សថនិកសត្វទឹកសាបនិងសមុទ្រថ្នាក់តំបន់

សន្និសីទអភិរក្សថនិកសត្វទឹកសាប នៅអាស៊ី ឆ្នាំ២០២៦ ដែលបានរៀបចំឡើងចាប់ពីថ្ងៃទី១៨ ដល់ថ្ងៃទី២០ ខែវិច្ឆិកា ឆ្នាំ២០២៦ នៅខេត្តសៀមរាប បានបញ្ចប់ដោយជោគជ័យ ជាមួយនឹងលទ្ធផលដ៏សំខាន់...
ចេញ​ផ្សាយ​ ២១ វិច្ឆិកា ២០២៦ 905

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់ និងទទួលផ្ទះសំណាញ់ចំនួន៨៩ខ្នង ជូនសហគមន៍កសិកម្មចំនួន១៣ ក្នុងខេត្តសៀមរាប

នៅរសៀលថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការ និងជាសហប្រធានគណៈកម្មការតម្រង់ទិសគម្រោង «គុជ» តំណាងដ៏ខ្ពង់ខ្ពស់ឯកឧត្តម ឌិត ទីណា...
ចេញ​ផ្សាយ​ ២១ វិច្ឆិកា ២០២៦ 950

ឯកឧត្តមរដ្ឋលេខាធិការ ហាស់ សារ៉េត អញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពី ជលផល និងនីតិវិធីពាក់ព័ន្ធ ដល់មន្ត្រីសមត្ថកិច្ចជលផល

នៅថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពីជលផល...
ចេញ​ផ្សាយ​ ២១ វិច្ឆិកា ២០២៦ 921

ថ្នាក់ដឹកនាំក្រសួងកសិកម្ម​ អញ្ជើញបំពេញទស្សនកិច្ចសិក្សា​ និងលើកទឹកចិត្តដល់វិនិយោគគិនចិនលើវិស័យកសិកម្ម​ នៅសាធារណរដ្ឋប្រជាមានិតចិន

នាថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមអនុរដ្ឋលេខាធិការ គី ច័ន្ទរំដួល អញ្ជើញដឹកនាំគណៈប្រតិភូក្រសួងកសិកម្ម រុក្ខាប្រមាញ់ និងនេសាទ បំពេញទស្សនកិច្ចសិក្សា ផ្សព្វផ្សាយ...
ចេញ​ផ្សាយ​ ២១ វិច្ឆិកា ២០២៦ 983

«រួមគ្នាជាសហគមន៍ ដើម្បីរីកចម្រើនទាំងអស់គ្នា!»

«រួមគ្នាជាសហគមន៍ ដើម្បីរីកចម្រើនទាំងអស់គ្នា!» ក្រសួងកសិកម្ម រុក្ខាប្រមាញ់ និងនេសាទ ដោយសហការជាមួយអង្គការ FAO ជាដៃគូអនុវត្តគម្រោង «គជ់» (PEARL) បាននាំយកផ្ទះសំណាញ់...
ចេញ​ផ្សាយ​ ២១ វិច្ឆិកា ២០២៦ 969

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់សម្ភារៈប្រើប្រាស់កសិកម្មជូនសហគមន៍ចំនួន៨ ក្នុងខេត្តឧត្តរមានជ័យ

នៅព្រឹកថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម​ និងជាសហប្រធានគណៈកម្មការតម្រង់ទិសគម្រោង «គជ់» ជាតំណាងដ៏ខ្ពង់ខ្ពស់ឯកឧត្តមរដ្ឋមន្ត្រី...
ចេញ​ផ្សាយ​ ២១ វិច្ឆិកា ២០២៦ 997

ថ្នាក់ដឹកនាំក្រសួងកសិកម្ម អញ្ជើញចែកគ្រាប់ពូជបន្លែជូនអ្នកភូមិរង់ចាំ ជាង ៣០០គ្រួសារ ដើម្បីលើកកម្ពស់ជីវភាពប្រជាពលរដ្ឋ

នៅព្រឹកថ្ងៃទី១៨ ខែវិច្ឆិកា ឆ្នាំ២០២៦ ឯកឧត្តមបណ្ឌិត ​យ៉ង សាំងកុមារ បានដឹកនាំសកម្មភាពចែកគ្រាប់ពូជបន្លែជូនអ្នកភូមិរង់ចាំ នៃខេត្តបន្ទាយមានជ័យ ជាង ៣០០ គ្រួសារ ដោយមានការចូលរួមពីតំណាងមន្ទីរកសិកម្ម...
ចេញ​ផ្សាយ​ ២១ វិច្ឆិកា ២០២៦ 983

លោកជំទាវអនុរដ្ឋលេខាធិការ អ៊ឹម រចនា រួមដំណើរគណៈប្រតិភូស្ថាប័នជលផលចិន និង IHB ទស្សនកិច្ចកន្លែងអភិរក្សជលផលកំពង់ភ្លុក នៃខេត្តសៀមរាប

នាថ្ងៃទី១៩ ខែវិច្ឆិកា ឆ្នាំ២០២៦ លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញរួមដំណើរជាមួយគណៈប្រតិភូស្ថាប័នជលផលចិន និងវិទ្យាស្ថានជីវសាស្ត្រជលផល...
ចេញ​ផ្សាយ​ ២០ វិច្ឆិកា ២០២៦ 1387

ថ្នាក់ដឹកនាំក្រសួងកសិកម្មអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​” ជាមួយគម្រោង COSTEA

នៅថ្ងៃទី១៧-១៩ ខែវិច្ឆិកា ឆ្នាំ២០២៦ ឯកឧត្ដម ខាត់ សុធី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​”...
ចេញ​ផ្សាយ​ ១៩ វិច្ឆិកា ២០២៦ 1488

ឯកឧត្តមរដ្ឋមន្ត្រី ឌិត ទីណា បន្តអញ្ជើញជួបសំណេះសំណាល និងប្រគល់ត្រាក់ទ័រ គោយន្ត ព្រមទាំងម៉ាស៊ីនច្រូតកាត់ ជូនដល់សហគមន៍កសិកម្មនៅខេត្តព្រះវិហារ

នាថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបន្តដំណើរអញ្ជើញចុះជួបសំណេះសំណាល និងប្រគល់គ្រឿងយន្តកសិកម្ម...
ចេញ​ផ្សាយ​ ១៩ វិច្ឆិកា ២០២៦ 1520

លោកជំទាវ អ៊ឹម រចនា ពិភាក្សាជាមួយតំណាងស្ថាប័នជលផលចិន និង វិទ្យាស្ថានជីវសាស្ត្រទឹកនៃបណ្ឌិត្យសភាវិទ្យាសាស្ត្រចិន អំពីការពង្រឹងកិច្ចសហប្រតិបត្តិការអភិរក្សសត្វផ្សោតទន្លេមេគង្គ និងប្រព័ន្ធអេកូឡូស៊ីជលផល

ក្នុងឱកាសនៃ«កិច្ចប្រជុំថ្នាក់តំបន់ស្តីពីការអភិរក្សថនិកសត្វទឹកសាបនៅតំបន់អាស៊ី» លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានជួបពិភាក្សាការងារជាមួយតំណាងវិទ្យាស្ថានជីវសាស្ត្រទឹក...