ឯកឧត្តមរដ្ឋមន្រ្តី វេង សាខុន អមដំណើរជាមួយសហការីបានអញ្ជើញទៅពិនិត្យស្នាក់ការធំក្រុមហ៊ុនវាយនភណ្ឌ Jiangsu Lianfa Textile ស្ថិតនៅក្រុងណានតុង ខេត្តជាំងស៊ូ នៃសាធារណរដ្ឋប្រជាមានិតចិន

ចេញ​ផ្សាយ​ ២៦ វិច្ឆិកា ២០១៨ 4847

នៅព្រឹកថ្ងៃព្រហស្បតិ៍ ១៥កេីត ខែកត្តិក ឆ្នាំច ព.ស ២៥៦២ ត្រូវនឹងថ្ងៃទី ២២ ខែវិច្ឆិកា ឆ្នាំ២០១៨ ឯកឧត្តមវេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ អមដំណេីរជាមួយសហការីបានអញ្ជើញទៅពិនិត្យស្នាក់ការធំក្រុមហ៊ុនវាយនភណ្ឌ Jiangsu Lianfa Textile ស្ថិតនៅក្រុងណានតុង ខេត្តជាំងស៊ូ នៃសាធារណរដ្ឋប្រជាមានិតចិន ដែលសាងសង់លេីផ្ទៃដីជាង ១០០ហត ក្នុងនោះចែកចេញជាតំបន់ផលិតដូចជា ការកែច្នៃកប្បាសជាអំបោះ ត្បាញក្រណាត់ ជ្រលក់ពណ៌ មន្ទីរពិសោធន៍គុណភាព កាត់ដេរសំលៀកបំពាក់ តំបន់រដ្ឋបាល អគារស្នាក់នៅ និងតំបន់លំហែរកាយ។ល។ និងមានបុគ្គលិកបម្រីការជាង ១មឺុននាក់។ មកទល់បច្ចុប្បន្នក្រុមហ៊ុនមានអាយុជាង ៦០ឆ្នាំ ហេីយមានរោងចក្រនៅទូទាំងពិភពលោកចំនួន ១២ ក្នុងចំណោមនោះមាន ២ ដែលកំពុងដំណេីរការនៅកម្ពុជាគឺរោងចក្រ Jincheng Garment Factory និង Hengyu Garment Factory។

 

តាមការរាយការណ៍របស់លោក Kong Xiang Jun ប្រធានក្រុមហ៊ុនបានឲ្យដឹងថាត្រឹមត្រីមាសទី៣ នៃឆ្នាំ២០១៨នេះ ក្រុមហ៊ុនរបស់លោកបានសម្រេចការលក់សំលៀកបំពាក់ទៅកាន់ទីផ្សារពិភពលោកបានជាង ៧៥០លានដុល្លារសហរដ្ឋអាមេរិច ដែលនេះត្រូវការវត្ថុធាតុដើមកប្បាសជាង ៥ មឺុនតោនសម្រាប់យកមកកែច្នៃ។ លោកប្រធានក្រុមហ៊ុនក៏បានបញ្ជាក់ជូនឯកឧត្តមរដ្ឋមន្ត្រីថា បច្ចុប្បន្នក្រុមហ៊ុនរបស់លោកមិនត្រឹមតែធ្វើការវិនិយោគលើវិស័យឧស្សាហកម្មកែឆ្នៃអំបោះ កាត់ដេរ ប៉ុន្តែក៏មានវិស័យកសិកម្ម និងពាណិជ្ជកម្មក៏បាននិងកំពុងដំណើរផងដែរ។ ដោយក្នុងនោះ ចំពោះវិស័យកសិកម្ម ក្រុមហ៊ុនបាននិងកំពុងធ្វើការវិនិយោគលើផលិតកម្មដំណាំស្រូវ ការកែច្នៃ និងការធ្វើអាជីវកម្មស្រូវ អង្ករ។ ទន្ទឹមនឹងនោះ ដើម្បីបំពេញខ្សែចង្វាក់ផលិតកម្មឲ្យបានពេញលេញនិងអស់លទ្ធភាព ក្រុមហ៊ុនក៏បានធ្វើការចិញ្ចឹមត្រី និងមាន់ដែលទទួលបានលទ្ធផលគួរឲ្យកត់សម្គាល់។ ដោយសង្គេតឃើញថា ព្រះរាជាណាចក្រកម្ពុជាមានធនធានធម្មជាតិយ៉ាងល្អប្រពៃ និងមានសក្តានុពលខ្ពស់ក្នុងការធ្វើកសិកម្ម ក្រុមហ៊ុនរបស់លោកបាននិងកំពុងសហការជាមួយវិទ្យាស្ថានធំៗមួយចំនួននៅប្រទេសចិន ដែលមានជំនាញនិងបច្ចេកវិទ្យាខ្ពស់ក្នុងការសិក្សា ស្រាវជ្រាវ និងផលិតពូជស្រូវ និងពូជកប្បាសដែលមានទាំងគុណភាព ទិន្នផលខ្ពស់សមស្របទៅស្ថានភាពដី និងអាកាសធាតុមកសាកល្បងដាំនៅកម្ពុជាសម្រាប់នាំចេញនៅថ្ងៃអនាគត។

 

នាឱកាសនេះ ឯកឧត្តមរដ្ឋមន្ត្រីបានថ្លែងអំណរគុណជាអនេក និងវាយតម្លៃខ្ពស់ចំពោះបដិសណ្ឋារកិច្ចយ៉ាងកក់ក្តៅដែលគណ:ប្រតិភូកម្ពុជាទទួលបាននាពេលនេះ និងជាពិសេសចំពោះឆន្ទះរបស់ក្រុមហ៊ុនដែលមានបំណងវិនិយោគលើផលិតកម្មស្រូវ និងកប្បាសនៅកម្ពុជានាពេលអនាគត។ ឯកឧត្តមរដ្ឋមន្រ្តីបានបញ្ជាក់ថា កន្លងមកកម្ពុជាផលិតស្បៀងសម្រាប់តែផ្គត់ផ្គង់ក្នុងស្រុក ប៉ុន្តែបច្ចុប្បន្នក្រោមការដឹកនាំរបស់រាជដ្ឋាភិបាលដែលមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្រ្តី កម្ពុជាមានលទ្ធភាពផលិត និងនាំចេញ។ ចំពោះអនុស្សរណៈយោគយល់គ្នាដែលភាគីទាំងពីរនឹងចុះបន្តិចទៀតនេះ គឺជាជំហានចាប់ផ្តើមនៃកិច្ចសហប្រតិបត្តិការរវាងរដ្ឋ និងវិស័យឯកជនដែលពិតជាមានសារ:សំខាន់ និងផ្តល់ផលប្រយោជន៍យ៉ាងច្រើនសម្រាប់កសិករកម្ពុជា តាមរយ:ការបង្កើតការងារ ទទួលបានបច្ចេកវិទ្យាថ្មី ពិសេសបង្កើនប្រាក់ចំណូលប្រកបដោយនិរន្តរភាព កាត់បន្ថយភាពក្រីក្រ និងចំណាកស្រុក។ ហើយគម្រោងនេះនឹងចូលរួមចំណែកសម្រេចបានចក្ខុវិស័យក្នុងការប្រែកក្លាយកម្ពុជាទៅជាប្រទេសដែលមានចំណូលមធ្យមកម្រិតខ្ពស់នាឆ្នាំ ២០៣០។ ឈរលើស្មារតីឈ្នះ ឈ្នះ ឯកឧត្តមរដ្ឋមន្រ្តីបានសន្យាថាក្រសួងកសិកម្ម រុក្ខប្រមាញ់ និងនេសាទ តាមរយ:អគ្គនាយកដ្ឋានកសិកម្ម មន្ទីរកសិកម្មពាក់ព័ន្ធនឹងរង់ចាំផ្តល់កិច្ចសហការឲ្យអស់លទ្ធភាព ធ្វើយ៉ាងណាដើម្បីឲ្យគម្រោងនេះសម្រេចបានជោគជ័យតាមការគ្រោងទុក។

ព័ត៌មានផ្សេងៗទៀត
ចេញ​ផ្សាយ​ ២២ វិច្ឆិកា ២០២៦ 375

ថ្នាក់ដឹកនាំក្រសួងកសិកម្ម​ ទទួលជួបជាមួយលោក Niu Jian ប្រធានក្រុមហ៊ុន(HLID) ក្នុងជំនួបពិភាក្សាការងារ នៅសាធារណរដ្ឋប្រជាមានិតចិន

នាថ្ងៃទី២១​ ខែវិច្ឆិកា​ ឆ្នាំ២០២៦​ ឯកឧត្តមអនុរដ្ឋលេខាធិការ គី ច័ន្ទរំដួល អ​មដោយ លោក ងួន វិសុទ្ធ អគ្គកុងស៊ុលកម្ពុជាប្រចាំទីក្រុងសៀងហៃ អញ្ជើញដឹកនាំគណៈប្រតិភូក្រសួងកសិកម្ម...
ចេញ​ផ្សាយ​ ២១ វិច្ឆិកា ២០២៦ 809

«សន្និសីទអភិរក្សថនិកសត្វទឹកសាបនៅអាស៊ី ឆ្នាំ២០២៦» បិទបញ្ចប់ដោយឯកភាពជាគោលការណ៍លើការបង្កើតបណ្តាញអភិរក្សថនិកសត្វទឹកសាបនិងសមុទ្រថ្នាក់តំបន់

សន្និសីទអភិរក្សថនិកសត្វទឹកសាប នៅអាស៊ី ឆ្នាំ២០២៦ ដែលបានរៀបចំឡើងចាប់ពីថ្ងៃទី១៨ ដល់ថ្ងៃទី២០ ខែវិច្ឆិកា ឆ្នាំ២០២៦ នៅខេត្តសៀមរាប បានបញ្ចប់ដោយជោគជ័យ ជាមួយនឹងលទ្ធផលដ៏សំខាន់...
ចេញ​ផ្សាយ​ ២១ វិច្ឆិកា ២០២៦ 925

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់ និងទទួលផ្ទះសំណាញ់ចំនួន៨៩ខ្នង ជូនសហគមន៍កសិកម្មចំនួន១៣ ក្នុងខេត្តសៀមរាប

នៅរសៀលថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការ និងជាសហប្រធានគណៈកម្មការតម្រង់ទិសគម្រោង «គុជ» តំណាងដ៏ខ្ពង់ខ្ពស់ឯកឧត្តម ឌិត ទីណា...
ចេញ​ផ្សាយ​ ២១ វិច្ឆិកា ២០២៦ 967

ឯកឧត្តមរដ្ឋលេខាធិការ ហាស់ សារ៉េត អញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពី ជលផល និងនីតិវិធីពាក់ព័ន្ធ ដល់មន្ត្រីសមត្ថកិច្ចជលផល

នៅថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពីជលផល...
ចេញ​ផ្សាយ​ ២១ វិច្ឆិកា ២០២៦ 940

ថ្នាក់ដឹកនាំក្រសួងកសិកម្ម​ អញ្ជើញបំពេញទស្សនកិច្ចសិក្សា​ និងលើកទឹកចិត្តដល់វិនិយោគគិនចិនលើវិស័យកសិកម្ម​ នៅសាធារណរដ្ឋប្រជាមានិតចិន

នាថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមអនុរដ្ឋលេខាធិការ គី ច័ន្ទរំដួល អញ្ជើញដឹកនាំគណៈប្រតិភូក្រសួងកសិកម្ម រុក្ខាប្រមាញ់ និងនេសាទ បំពេញទស្សនកិច្ចសិក្សា ផ្សព្វផ្សាយ...
ចេញ​ផ្សាយ​ ២១ វិច្ឆិកា ២០២៦ 1002

«រួមគ្នាជាសហគមន៍ ដើម្បីរីកចម្រើនទាំងអស់គ្នា!»

«រួមគ្នាជាសហគមន៍ ដើម្បីរីកចម្រើនទាំងអស់គ្នា!» ក្រសួងកសិកម្ម រុក្ខាប្រមាញ់ និងនេសាទ ដោយសហការជាមួយអង្គការ FAO ជាដៃគូអនុវត្តគម្រោង «គជ់» (PEARL) បាននាំយកផ្ទះសំណាញ់...
ចេញ​ផ្សាយ​ ២១ វិច្ឆិកា ២០២៦ 987

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់សម្ភារៈប្រើប្រាស់កសិកម្មជូនសហគមន៍ចំនួន៨ ក្នុងខេត្តឧត្តរមានជ័យ

នៅព្រឹកថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម​ និងជាសហប្រធានគណៈកម្មការតម្រង់ទិសគម្រោង «គជ់» ជាតំណាងដ៏ខ្ពង់ខ្ពស់ឯកឧត្តមរដ្ឋមន្ត្រី...
ចេញ​ផ្សាយ​ ២១ វិច្ឆិកា ២០២៦ 1017

ថ្នាក់ដឹកនាំក្រសួងកសិកម្ម អញ្ជើញចែកគ្រាប់ពូជបន្លែជូនអ្នកភូមិរង់ចាំ ជាង ៣០០គ្រួសារ ដើម្បីលើកកម្ពស់ជីវភាពប្រជាពលរដ្ឋ

នៅព្រឹកថ្ងៃទី១៨ ខែវិច្ឆិកា ឆ្នាំ២០២៦ ឯកឧត្តមបណ្ឌិត ​យ៉ង សាំងកុមារ បានដឹកនាំសកម្មភាពចែកគ្រាប់ពូជបន្លែជូនអ្នកភូមិរង់ចាំ នៃខេត្តបន្ទាយមានជ័យ ជាង ៣០០ គ្រួសារ ដោយមានការចូលរួមពីតំណាងមន្ទីរកសិកម្ម...
ចេញ​ផ្សាយ​ ២១ វិច្ឆិកា ២០២៦ 1005

លោកជំទាវអនុរដ្ឋលេខាធិការ អ៊ឹម រចនា រួមដំណើរគណៈប្រតិភូស្ថាប័នជលផលចិន និង IHB ទស្សនកិច្ចកន្លែងអភិរក្សជលផលកំពង់ភ្លុក នៃខេត្តសៀមរាប

នាថ្ងៃទី១៩ ខែវិច្ឆិកា ឆ្នាំ២០២៦ លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញរួមដំណើរជាមួយគណៈប្រតិភូស្ថាប័នជលផលចិន និងវិទ្យាស្ថានជីវសាស្ត្រជលផល...
ចេញ​ផ្សាយ​ ២០ វិច្ឆិកា ២០២៦ 1403

ថ្នាក់ដឹកនាំក្រសួងកសិកម្មអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​” ជាមួយគម្រោង COSTEA

នៅថ្ងៃទី១៧-១៩ ខែវិច្ឆិកា ឆ្នាំ២០២៦ ឯកឧត្ដម ខាត់ សុធី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​”...
ចេញ​ផ្សាយ​ ១៩ វិច្ឆិកា ២០២៦ 1489

ឯកឧត្តមរដ្ឋមន្ត្រី ឌិត ទីណា បន្តអញ្ជើញជួបសំណេះសំណាល និងប្រគល់ត្រាក់ទ័រ គោយន្ត ព្រមទាំងម៉ាស៊ីនច្រូតកាត់ ជូនដល់សហគមន៍កសិកម្មនៅខេត្តព្រះវិហារ

នាថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបន្តដំណើរអញ្ជើញចុះជួបសំណេះសំណាល និងប្រគល់គ្រឿងយន្តកសិកម្ម...
ចេញ​ផ្សាយ​ ១៩ វិច្ឆិកា ២០២៦ 1540

លោកជំទាវ អ៊ឹម រចនា ពិភាក្សាជាមួយតំណាងស្ថាប័នជលផលចិន និង វិទ្យាស្ថានជីវសាស្ត្រទឹកនៃបណ្ឌិត្យសភាវិទ្យាសាស្ត្រចិន អំពីការពង្រឹងកិច្ចសហប្រតិបត្តិការអភិរក្សសត្វផ្សោតទន្លេមេគង្គ និងប្រព័ន្ធអេកូឡូស៊ីជលផល

ក្នុងឱកាសនៃ«កិច្ចប្រជុំថ្នាក់តំបន់ស្តីពីការអភិរក្សថនិកសត្វទឹកសាបនៅតំបន់អាស៊ី» លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានជួបពិភាក្សាការងារជាមួយតំណាងវិទ្យាស្ថានជីវសាស្ត្រទឹក...