ព័ត៌មានផ្សេងៗទៀត
ការផ្ទេរជំនួយបន្តគឺជាសិល្បៈនៃការចែករំលែក
ចេញផ្សាយ ២២ មករា ២០១៨ 4104
កាលពីថ្ងៃទី១៤ ខែកញ្ញា ឆ្នាំ២០១២ ឯកឧត្ដមរដ្ឋមន្ដ្រីរួមដំណើរជាមួយឯកឧត្តមអនុរដ្ឋលេខាធិការ ឯកឧត្តម ឆេង គឹមស៊ុន ប្រតិភូរាជរដ្ឋាភិបាលទទួលបន្ទុករដ្ឋបាលព្រៃឈើ លោក ខាត់ ចំណាន អភិបាលរងខេត្ត និងមន្ដ្រីថ្នាក់ដឹកនាំនាយកដ្ឋានជំនាញមួយចំនួនបានអញ្ជើញចុះពិនិត្យការងារបង្កបង្កើនផល និងចែកពូជគោមេចំនួន២២ ក្បាល ពូជស្មៅ ឯកសារបច្ចេកទេសដំណាំស្រូវ បន្លែ និងចិញ្ចឹមសត្វ។
មានមតិសំណេះសំណាលជាមួយបងប្អូនប្រជាកសិករ ឯកឧត្ដមរដ្ឋមន្ដ្រី បានផ្ញើជូនសេចក្តីនឹងរលឹក និងសាកសួរសុខទុក្ខពីសម្តេចទាំង ៣ ដែលសម្តេចតែងតែគិតគូពីបញ្ហាជីវភាពបងប្អូននៅជនបទជាប់ជានិច្ច និងសូមជូនពរបងប្អូនប្រជាពលរដ្ឋឲ្យជួបតែពុទ្ធិពរទាំង ៤ ប្រការ។ នាឱកាសនោះលោកបានកោដសរសើរដល់ការខិតខំប្រឹងប្រែងរបស់បងប្អូនប្រជាកសិករក្នុងការងារបង្កបង្កើនផល ការខិតខំរបស់បងប្អូននឹងប្រែក្លាយជីវភាពឲ្យមានការរីចម្រើន កាត់បន្ថយភាពក្រីក្រនាពេលអនាគតដ៏ខ្លីខាងមុខ។
ទាក់ទងនឹងការចែកពូជគោ លោកបានជូនជាអនុសាសន៍ថាមន្ទីរកសិកម្ម បង្កើនជីវសុវត្ថិភាព និងអនាម័យនៅតាមកន្លែងលក់សាច់គ្រប់ទីផ្សារ បង្កើនអនាម័យនៅតាមសត្តឃាតដ្ឋាន ដើម្បីធានាបាននូវអនាម័យសាច់ និងសុវត្ថិភាពដល់អ្នកបរិភោគ ត្រូវត្រៀមបម្រុងចំណីអាហារ ថ្នាំសង្កូវ និងពូជស្រូវ ពូជដំណាំឲ្យបានគ្រប់គ្រាន់ និងទីទួលសុវត្ថភាពក្រែងជួបគ្រោះទឹកជំនន់ និងធ្វើយុទ្ធនាការចាក់ថ្នាំការពារសត្វឱ្យបានទូលំទូលាយ។ ដើម្បីឱ្យជីវភាពធូធារ ធានាបាននូវតម្រូវម្ហូបអាហារក្នុងគ្រួសារ ចាំបាច់កុំរង់ចាំតែដំណាំស្រូវមួយមុខគឺត្រូវចិញ្ចឹម សត្វ ត្រី និងដាំដំណាំរួមផ្សំបន្ថែមទៀត
ចំពោះការធ្វើស្រែត្រូវគិតគូពីសមាជិកក្នុងគ្រួសារកើនឡើង ដូច្នេះទិន្នផលស្រូវត្រូវតែ កើនឡើងលើផ្ទៃដីដដែល ធ្វើបានលុះត្រាតែអនុវត្ដប្រព័ន្ធប្រពលវប្បកម្មដំណាំស្រូវតាមគោលការណ៍ធម្មជាតិ ត្រូវចេះគិតគូពីសេដ្ឋកិច្ច។
ចំពោះកសិករទទួលគោថ្ងៃនេះ ត្រូវធ្វើយ៉ាងណាឲ្យខ្លួនធ្វើជាអ្នកផ្តល់ជំនួយនៅថ្ងៃក្រោយវិញ ដោយត្រូវយកសត្វទៅមើលថែទាំងឲ្យបានល្អ (ទឹក ចំណី ការចាក់ថ្នាំការពារ) ជាពិសេសត្រូវចាក់ទុកសត្វជាសមាជិកក្នុងគ្រួសារ ដាំស្មៅ និងដំណាំចំណីសត្វនៅតាមផ្ទះទុកសម្រាប់សត្វស៊ីឲ្យបានគ្រប់គ្រាន់ ហើយការផ្ទេរជំនួយបន្តនេះគឺជាសកម្មភាពមួយឆ្លុះបញ្ចាំងពីការជួយគ្នាទៅវិញទៅមកនៅក្នុងសហគមន៍និងជាការលើកម្ពស់សាមគ្គីភាព ការចែករំលែកនូវធនធានដែលមានស្រាប់ ហើយនេះគឺជាទង្វើមួយបង្ហាញឲ្យឃើញពីសិល្បនៃការចែករំលែក សកម្មភាពនេះបង្ហាញឲ្យឃើញពីការកាត់បន្ថយគម្លាតរវាងអ្នកមាននិងអ្នកក្រនៅជនបទ។ ម្ចាស់សត្វហាមយកសត្វទៅ ប្រើប្រាស់ខុសច្បាប់ដូចជាចូលព្រៃដឹក ឬកាប់ឈើខុសច្បាប់ លោកបានបញ្ជាក់ថាគោទាំង ២២ ក្បាលគឺជាជំនួយរបស់រដ្ឋបាលព្រៃឈើដែលបានពីការរឹបអូសពីបទល្មើសព្រៃឈើ។
