ឯកឧត្តម ឱម គឹមស៊ា រដ្ឋលេខាធិការក្រសួងកសិកម្ម អញ្ជើញដឹកនាំក្រុមការងារត្រួតពិនិត្យវឌ្ឍនភាពនៃការពិសោធដំណាំស្រូវ

ចេញ​ផ្សាយ​ ១ មីនា ២០២៤ 2635

ដោយបានទទួលការអនុញ្ញាតពីឯកឧត្តមរដ្ឋមន្ដ្រី ឌិត ទីណា នៅព្រឹកថ្ងៃទី២៧ ខែកុម្ភៈ ឆ្នាំ២០២៤ ឯកឧត្តម ឱម គឹមស៊ា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានដឹកនាំក្រុមការងារសម្ព័ន្ធកសិកម្មអភិរក្ស និងប្រពលវប្បកម្មនិរន្តរភាពកម្ពុជា (CASIC Cambodia) ទៅកាន់វិទ្យាស្ថានស្រាវជ្រាវនិងអភិវឌ្ឍន៍កសិកម្មកម្ពុជា ដើម្បីពិនិត្យវឌ្ឍនភាពនៃការពិសោធប្រៀបធៀបរវាងការដាំដុះដំណាំស្រូវដោយអនុវត្តតាមវិធីសាស្រ្តកសិអេកូឡូស៊ី និងតាមវិធីសាស្រ្តប្រើប្រាស់ជីគីមី។

ឯកឧត្តម ឱម គឹមស៊ា រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ និងជាប្រធានគណៈកម្មាការតម្រង់ទិសនៃសម្ព័ន្ធកសិកម្មអភិរក្ស និងប្រពលវប្បពលកម្មនិរន្តរភាពកម្ពុជា (CASIC Cambodia) បានបញ្ជាក់ថា  ការពិសោធន៍ខាងលើនេះ ធ្វើឡើងក្នុងគោលបំណងសិក្សាពីប្រសិទ្ធភាពលើការអនុវត្តកសិកម្មអភិរក្ស និងកសិអេកូឡូស៊ីក្នុងការកែលម្អគុណភាពដី និងចូលរួមការកាត់បន្ថយថ្លៃដើមផលិត បង្កើនទិន្នផលដំណាំ និងបង្កើនប្រាក់ចំណេញដល់ប្រជាកសិករ៕