ឯកឧត្ដម គី ច័ន្ទរំដួល អនុរដ្ឋលេខាធិការក្រសួងកសិកម្ម អញ្ជើញចូលរួមដាំកូនឈើជាមួយមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន

ចេញ​ផ្សាយ​ ១៨ ឧសភា ២០២៤ 2754

នៅថ្ងៃទី១៧ ខែឧសភា ឆ្នាំ២០២៤ ឯកឧត្ដម គី ច័ន្ទរំដួល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមដាំកូនឈើនៅអនុវិទ្យាល័យភ្នំយ៉ាត ដែលស្ថិតនៅក្នុងខេត្តប៉ៃលិន ដោយមានការអញ្ជើញចូលរួមពី លោក រស់ នឿន អភិបាលរង នៃគណៈអភិបាលខេត្តប៉ៃលិន លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន រដ្ឋបាលព្រៃឈើខេត្តប៉ៃលិន លោកគ្រូអ្នកគ្រូ និងសិស្សានុសិស្សនៃអនុវិទ្យាល័យភ្នំយ៉ាត។

ឆ្លៀតក្នុងឱកាសនេះដែរ ឯកឧត្តម បានអញ្ជើញទស្សនកិច្ចជុំវិញអនុវិទ្យាល័យភ្នំយ៉ាត ពិសេសបានទស្សនាកន្លែងចិញ្ចឹមខ្យងដូង ដែលជាការចិញ្ចឹមរបស់លោកគ្រូអ្នកគ្រូ និងសិស្សានុសិស្ស ដោយផ្ទាល់។

គួរកត់សម្គាល់ថា អនុវិទ្យាល័យភ្នំយ៉ាត បានទទួលជ័យលាភីអង្គភាពផ្តល់សេវាសាធារណៈគំរូ ចំណាត់ថ្នាក់លេខ១ នាឆ្នាំ២០២៣៕