អនុប្រធានក្រុមការងាររាជរដ្ឋាភិបាលចុះមូលដ្ឋានស្រុកថ្មពួក លោក ឃុន កក្កដា អញ្ជើញដឹកនាំក្រុមការងារយកអំណោយជូនប្រជាពលរដ្ឋ និងគ្រួសារកងទ័ពដែលជម្លៀសមកពីស្រុកថ្មពួកមកកន្លែងសុវត្ថិភាព

ចេញ​ផ្សាយ​ ២៦ កក្កដា ២០២៥ 458

នៅថ្ងៃទី២៦ ខែកក្កដា ឆ្នាំ២០២៥ លោក ឃុន កក្កដា អនុប្រធានក្រុមការងាររាជរដ្ឋាភិបាលចុះមូលដ្ឋាន​ស្រុកថ្មពួក​ អមដំណើរដោយ លោក កែ សួន សុភាព អភិបាលរង នៃគណៈអភិបាលខេត្តបន្ទាយមានជ័យ និងជាតំណាងដ៏ខ្ពង់ខ្ពស់ ឯកឧត្តម អ៊ុំ រាត្រី បានអញ្ជើញចុះសួរសុខទុក្ខ និងនាំយកអំណោយជូនពុកម៉ែ បងប្អូនប្រជាពលរដ្ឋ និងក្រុមគ្រួសារកងទ័ព សរុប ១០០គ្រួសារ ដែលជម្លៀសមកពីតាមព្រំដែន នៃស្រុកថ្មពួក មករកទីទួលសុវត្ថិភាព។

អំណោយទាំងនោះរួមមាន៖ អង្ករ មីជាតិ ទឹកស៊ីអ៊ីវ ទឹកត្រី ត្រីខ និងទឹកបរិសុទ្ធ​។ ចំណែកសម្ភារៈប្រើប្រាស់របស់ក្រសួងអភិវឌ្ឍន៍ជនបទ​ដែលយកចែកជូនរួមមាន៖ សាប៊ូបោកខោអាវ  សាប៊ូលាងដៃ ធុងទឹកចំរោះទឹកស្អាត កៅស៊ូតង់ខៀវ៕