ពិធីបើកវគ្គបណ្តុះបណ្តាលអប់រំសមត្ថភាព វិជ្ជាជីវៈដល់អាជីវករលក់ដុំ លក់រាយជី-ថ្នាំកសិកម្មនៅខេត្តកំពង់ធំ

ចេញ​ផ្សាយ​ ៣ សីហា ២០២៦ 2728

កាលពីថ្ងៃទី២៩ ខែកក្កដា ឆ្នាំ២០២៦ លោកស្រី គិត វិសិដ្ឋកញ្ញា អគ្គនាយករង អគ្គនាយកដ្ឋានក្សេត្រសាស្រ្ត លោកបណ្ឌិត សេង វ៉ាង ប្រធាននាយកដ្ឋានគ្រប់គ្រងធនធានដី និងជីកសិកម្ម លោក ជូ សុវិទ្យា អនុប្រធាននាយកដ្ឋានការពារដំណាំ អនាម័យ និងភូតគាមអនាម័យ និងសហការី បានចូលរួមក្នុងពិធីបើកវគ្គបណ្តុះបណ្តាលអប់រំសមត្ថភាព វិជ្ជាជីវៈដល់អាជីវករលក់ដុំ លក់រាយជី-ថ្នាំកសិកម្មនៅខេត្តកំពង់ធំ ក្រោមអធិបតីភាពឯកឧត្តម ឡោ រស្មី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងមានការចូលរួមពីតំណាងរដ្ឋបាលខេត្តកំពង់ធំ អគ្គនាយកដ្ឋានក្សេត្រសាស្ត្រ មន្ទីរកសិកម្មខេត្ត និងសិក្ខាកាមដែលជាម្ចាស់ដេប៉ូថ្នាំ-ជីកសិកម្ម មកពីខេត្តកំពង់ធំ កំពង់ចាម បាត់ដំបង ព្រៃវែង ស្វាយរៀង ពោធិ៍សាត់ ព្រះសីហនុ ក្រចេះ ត្បូងឃ្មុំ កណ្តាល កំពត ព្រះវិហារ មណ្ឌលគីរី ឧត្តរមានជ័យ និងរាជធានីភ្នំពេញសរុបប្រមាណ ១៩០នាក់។
វគ្គបណ្តុះបណ្តាលអប់រំសមត្ថភាពវិជ្ជាជីវៈនេះ ត្រូវបានរៀបចំឡើងរយៈពេល៣ថ្ងៃគឺ ចាប់ពីថ្ងៃទី២៩ ដល់ថ្ងៃទី៣១ ខែកក្កដា ឆ្នាំ២០២៦ ។